هز لي كتفي و قل لي عيب تبكي لو سمحت

مرحبا يا جماعة..................كيفكم؟؟؟؟؟؟؟


هز لي كتفي وقلي عيب تبكي لو سمحت

------------------------------------



صعب لامنك فشلت..وصعب لامنك لقيت
ان من يكره نجاحك يدري انك ما نجحت
امس ضقت..ورحت اقلِب ذكرياتي وانتهيت
عند صورة طفل صوته مثل صوتي لا انجرحت
وش مثل !..لا والله الا هذا انا يوم ابتديت
انطق حروف تلعثم في لساني لا انمدحت
هذا انا .. يوم الحياة فنظرتي عشريت بيت
ومسجدين.. ومدرسه من طين كم فيها اصطبحت
هذا انا..واصبحت اتمتم ..هذا انا .. حتى بغيت
اختنق .. بس القدر عياَ على موتي وطحت
وصاح صوت الطفل فيني : انت من وين ارتميت؟!
قلت: انا المستقبل الي فيه كم همت طمحت
امس كنت ابيك تكبر ..بس والله لو دريت
اني اللي عشت لأجله مت عندك واسترحت
لو دريت ان الزمان يجر رجلي..ما عديت
ولو دريت ان البحور بلا مواني..ما سبحت
كان دربك لي طويل ..وكل ما شفتك هويت
قلتلك كبوة جواد..وما كبيت الا وجمحت
ليه تسمعني وتمشي ..آه ليتك ما مشيت
وآه ليتك من كثر عثرات الايام انتصحت
ضاعت احلامي..وضل الحزن فيني ..واهتديت
للطريق اللي يوديني على دمعي .. ورحت
يالحزن..ليتك مثل دمعي وتنزل لا رقيت
بس اعرفك ..لو مسحت الدمع..تبقى ما ان مسحت
كان حلمي في وجود انسان يبكي لا بكيت
وصار حلمي في وجود انسان يفرح لافرحت
كنت اشوف الناس مثلي ..كل ماجعت وظميت
ما دريت ان الاوادم.. ناس فوق ..وناس تحت
آه يا اول ذكرياتي ..خذني في حضنك نسيت
لأسألك عن وجه ابوي اللي معه ياما سرحت
خذني في حضنك ابغفى ..ياه ..مبطي ماغفيت
وان لمحت دموع عيني.. سو نفسك ما لمحت
خذني في حضنك..وبعثر في جروحي..وانقضيت
هزلي كتفي وقلي..عيب تبكي لو سمحت
اضحك وعلم زماني ..من انا ..ومن وين جيت
طق باب الحزن..واصرخ فيَ لا مني فتحت
وضمني يمك ..وكمل ضحكتك لا من بكيت
ودي اذكر كيف كانت ضحكتي لا من فرحت



يلا بدنا ردود اوكي ما تنسواااااا